महेश सिंह
सिरहा : बहिरा तथा सुस्त मनस्थितिका बालबालिकाहरुको ३ दिने सांकेतिक भाषा सम्बन्धि आधारभुत तालीम सम्पन्न भएको छ । सप्तरीको खडक नगरपालिका भित्र रहेका बहिरा तथा सुस्त मनस्थितिका बालबालिका र अभिभावकहरुलाई ३ दिने सांकेतिक भाषा सम्बन्धि अधारभुत तालीम दिएका छन् ।

४४ औं समाजिक सेवा दिवसको उपलक्ष्यमा सवल नेपाल सप्तरीले सेभद चिल्ड्रेनको आर्थिक सहयोग र खडक नगरपालिकाको समन्वय र सहकार्यमा सवल नेपाल राजबिराज सप्तरीले स्कुल बालबालिकालाई तालीम दिएको छ। सवल नेपालको समुन्नति कार्यक्रम अन्तर्गत बहिरा तथा सुस्त श्रवण अपाङ्ग भएका बालबालिका र अभिभावकहरुलाई तालिम दिएको सवल नेपालका समुन्नति कार्यक्रमको (शिक्षा) फिल्ड अधिकृत राधेश्याम रामले जानकारी दिनु भयो। कार्यक्रममा २८ जना जसमध्ये १३ जना अपाङ्ग बहिरा तथा सुस्त श्रवन भएका बालबालिका अभिभावकहरुको सहभागिता रहेको तालीमको सहजीकरण बिजय तमाङ्ग र दुर्गा भुजेलले गर्नु भएको थियो ।

बहिरा, सुस्त श्रवन भएका बालबालिकाले भाषा सञ्चार गर्न जिबनलाई सहज र सार्थक बनाउन सहयोग पुर्याउने उद्देश्यले तालिमको आयोजना गरिएको सवल नेपाल राजबिराज सप्तरीले कार्यक्रमको आयोजना गरेको थियोे ।

गाउँपालिकाको ६ वटै वडाका गरि जम्मा २१ जना सहभागी रहेको तालिममा बिर बहादुर मडै र पुष्ण पुनमगरले प्रशिक्षण दिइरहेका छन् । तालिम समापन कार्यक्रमको प्रमुख अतिथि बनेका नगरपालिकाको शिक्षा शाखा प्रमुख बिरेन्द्र कुमार यादवले भने बहिरा व्यक्तिहरु लगाएत सबै खालका अपाङ्गता भएका मानिसहरूलाई पालिकाले सहयोग गर्न तयार रहेको बताए ।

यस्तै सांकेतिक भाषा सिकाएर समाजमा निकै उपलब्धी मुलक काम गर्न सकिन्छ भने अभिभावकहरुले धारणा रहेको थियो ।जनहित पवन लाल आधारभुत बिधालय खडग नपा ३ बनर झुला सप्तरी विधालय व्यवस्थापन समिति अध्यक्ष सुर्य नारायण चौधरी भाषा अधुरो रहियो पुनः करिब १५ दिन तालीम पुनः आयोजना गर्न आयोजक संस्थालाई ध्यानाकर्षण गराएका थिए । कार्यक्रममा प्र.अ.देब नारायण मंण्डलको समेत उपस्थिति रहेको आयोजक संस्थाले जानकारी दिनु भयो ।