मुकेश झा   
हरिपुर्वा, असोज २४ गते ।

सर्लाहीको हरिपूर्वामा अन्तर्राष्ट्रिय बालिका दिवसको अवसरमा हाजिरी जवाफ प्रतियोगिता गरि मनाएको छ ।

हरिपुर्वा नगरपालिका र पर्सा गाउँपालिका अन्तर्गत वर्ल्ड भिजन इन्टरनेसनल नेपालको सहयोगमा बागमती सेवा समाज नेपालको आयोजनामा संचालन बाल संरक्षण तथा समुदायमा संग्लनता बाल स्पोन्सरशिप परियोजनाद्वारा आज अन्तराष्ट्रिय बालिका दिवस विभिन्न वडाका बालकल्बको बालबालिका सहभागी गराई हाजिरीजवाफ प्रतियोगिता कार्यक्रम संचालन गरिएको थियोे ।

उक्त कार्यक्रम हरिपूर्वाको वडा नं ५ को सोन्फि आधारभुत विद्यालयका प्रधानाध्यापक ससी कुमार यादवको अध्यक्षता र कार्यक्रम संचालन वडा नं ६ को राम जानकी आधारभुत विद्यालयका प्रधानाध्यापक चन्देव राय यादवले गरेका थिए ।

कार्यक्रममा पहिलो, दोस्रो र तेस्रो हुने क्लबलाइ विशेष उपहारको साथै बाँकी सहभागीहरुलाई सान्तवना पुरस्कार वितरण गरिएको छ । कार्यक्रमको नारा अब हाम्रो समय, हाम्रो अधिकार, हाम्रो भविष्य रहेको सुबोध महतोले जानकारी दिनु भयो ।