प्रदीप कुमार दास 
रौतहट, कार्तिक ११ गते ।
वृन्दावन नगरपालिकामा आजदेखि उप मेयर कप क्रिकेट प्रतियोगिता शुरु भएको छ ।

उक्त उप मेयर कप क्रिकेट प्रतियोगिता नगर उप प्रमुख संगीता कुमारी रामले उद्घाटन गर्नु भएको थियो । 

उप मेयर कप क्रिकेट प्रतियोगिता शुभारम्भ कार्यक्रममा प्रमुख अतिथिको रुपमा वृन्दावन नगरपालिकाका उपप्रमुख  संगीता कुमारी राम,समाजसेवी युवा नेता अरुण राम ,युवा खेलाडीहरू ,पत्रकार लगायतका उपस्थिति थियो । उद्घाटन समारोहमा बोल्दै नगर उपप्रमुख रामले प्रतियोगिताले युवा क्रिकेट खेलाडी उत्पादन र विकासमा सहयोग पुग्ने बताइन् ।

वृन्दावन नगरपालिकाको सहयोगमा सञ्चालन भएको प्रतियोगितामा नगर भरिकै क्रिकेट टोली सहभागी हुनेछन् ।   उपाधि विजेताले र उपविजेताले नगदका साथ ट्रफी, मेडल र प्रमाणपत्र पाउने आयोजक समितिले बताएको छ ।

नगरपालिकाको वार्षिक कार्यक्रमअनुसार नै हरेक वर्ष मेयर र उपमेयर कप क्रिकेट प्रतियोगिता हुँदै आएको छ ।