काठमाडौं : जाजरकोटलाई केन्द्र बनाएर हिजो मध्यराति गएको भूकम्पमा परी अहिलेसम्म १३३ जनाको ज्यान गएको छ  । जसमध्ये जाजरकोटका ९५ र रुकुमपश्चिममा ३८ जना रहेको प्रहरीले जनाएको छ । यस्तै, भूकम्पमा परी करिब १ सय ४० जना घाइते भएका छन् । मृतक र घाइतेको संख्या अझै बढ्न सक्ने प्रहरीको जनाएको छ ।

उनका अनुसार भूकम्पमा परी घाइते भएकाहरूलाई उपचारको लागि जिल्ला अस्पतालमा पुर्‍याइएको छ ।

भूकम्पले घरहरु भत्किएको थाहा हुनासाथ उद्धारका लागि कर्णाली प्रदेश  प्रहरी कार्यालयबाट ४० र २० गरी ६० जनाको उद्धार टोली परिचालन गरिएको डीआइजी ढकालले बताए । उनका अनुसार, हालसम्मको सूचनामा जाजरकोट र रुकुममा सबैभन्दा धेरै क्षति भएको छ ।

भूकम्पमा परेर नलगाड नगरपालिकाकी उपप्रमुख सरिता सिंहको पनि मृत्यु भएको कर्णाली प्रदेश प्रहरी प्रमुख डीआईजी ढकालले जानकारी दिए ।

शुक्रबार राति ११ बजेर ४७ मिनेट जाँदा जाजरकोटलाई केन्द्रविन्दु बनाएर ६.४ म्याग्निच्युडको भूकम्प गए हो ।