राजेश सिंह
गाैशाला, कार्तिक २५ गते ।
महाेत्तरीकाे गाैशाला नगरपालिका वडा नम्बर १२ द्वारा वडा भरिका छठ पुजा गर्ने महिलाहरुलाई साडी वितरण गरेको छ ।

शनिबार गाैशाला नगरपालिका वडा नम्बर १२ काे वडा कार्यालयकाे प्राङ्गणमा एक कार्यक्रमकाे आयोजना गरि वडा भरिका छठ पुजा गर्ने महिलाहरुलाई साडी वितरण हाे ।

हिन्दुहरुकाे महान पर्व छठ पुजाकाे अवसरमा छठ पुजा गर्ने सम्पूर्ण महिलाहरु सहयोग स्वरूप साडी, पेटीकाेट र बलाउजकाे कपडा सहित एक सेटको दरले ४ सय जनालाई वितरण गरेको वडा अध्यक्ष कुशेश्वर सिंह कुशवाहाले जानकारी दिनुभयो । वडा भरिमा छठ पुजा गर्ने करिब ५ सय जना छ  जसमध्ये आज ४ सय जनालाई वितरण गरेको पनि बाँकी सय जनालाई भाेली वितरण गर्ने योजना रहेको वडा अध्यक्ष सिंहले बताउनुभयो ।

कार्यक्रमका प्रमुख अतिथि नगर प्रमुख डा. दिपेन्द्र महताेले कार्यक्रमलाई सम्बाेधन गर्दै यस वडाले यस्ता उदाहरणीय कामहरू गर्न नगर मै अग्र स्थान रहेकोले वडा अध्यक्ष लगायत वडा सदस्यहरुलाई विशेष धन्यवाद दिएका थिए । साथै एक अर्को प्रसङमा नगर भित्रका किसानहरुकाे सिचाइका लागि विधुतीकरण गर्न पाेल र तार जडान गर्ने काम यसै वर्षभित्र सकिन्छ भन्ने प्रमुख महताेले बताउनुभयो ।

कार्यक्रम वडा अध्यक्ष कुशेश्वर सिंह कुशवाहाकाे अध्यक्षता तथा नगर प्रमुख डा. दिपेन्द्र महताेकाे प्रमुख अतिथिमा र विशिष्ट अतिथि महिला नेत्री राम कुमारी महताे, जसपा नेपालका नगर संयोजक कुमरकान्त झा, समाजसेवी विष्णु बहादुर याेञ्जन, विभिन्न राजनीतिक दलका प्रतिनिधिहरु, समाजसेवी, बुद्धिजीवी लगायत सर्वसाधारणहरुकाे उपस्थिति रहेको थियोे ।