राजेश सिंह
गाैशाला, मंसिर २५ गते ।
महोत्तरीको गाैशाला बजारमा एक व्यापारीको मृत्यु भएको छ । साेमबार गौशाला नगरपालिका अन्तर्गत गौशाला बजारमा एक व्यापारीको मृत्यु भएको हाे ।

मृत्युु हुने गौशाला नगरपालिका वडा नं. ४ बस्ने वर्ष ६५ को महेन्द्र महतोको रहेको ईलाका प्रहरी कार्यालय गौशालाले जनाएको छ ।

गौशाला बजार सप्ताहमा दुई साेमबार र बिहीबार लाग्ने हाट बजारमा भैंसीको खरीद विक्रि गर्ने महतो प्रत्येक बजार झै आज भैंसीको मूल्यको दरभाउ गर्दागर्दै एक्कासी बिहाेस भई मृत्यु भएको बजार व्यापाहरुको भनाई रहेको छ ।

महतो सोमबार र विहिबार बजारमा भैंसी खरीदविक्रि गरी दिनचर्या चलाईरहेको आफन्तहरुले बताएको छ । घटनाको विषयमा थप अनुसन्धान भइरहेको प्रहरीले जनाएको छ ।