गाैशाला, पुस १ गते ।
महोत्तरीकाे गाैशालामा अगामी पुस १४ गतेदेखि विर्ता स्पोर्ट्स क्लबकाे आयोजनामा फुटबल प्रतियोगिता संचालन हुने भएको छ । गौशाला नगरपालिका वडा नम्बर ४ स्थित रहेको विर्ता स्पोर्ट्स क्लबकाे आयोजनामा फुटबल प्रतियोगिता संचालन हुने भएको हाे ।

स्वर्गीय राम लखन चौधरीको स्मृति कप नक आउट १२ औँ संस्करण प्रदेश स्तरीय फुटबल प्रतियोगिता आउँदो १४ गते शनिबारदेखि संचालन हुने भएका छन् । स्वर्गीय राम लखन चौधरी गाविस अध्यक्ष भएकै बेला जनयुद्ध कालमा उनको गोलि हानि हत्या गरेको थियो र उनकै सम्झनामा प्रत्येक वर्ष यो खले खेलाउँदै आइरहेका छन् ।

उनि एक इमान्दार र जनताप्रेमी नेता रहेकोले आज पनि जनसमुदायहरुले उहाँलाई सम्झिदै यो खेल प्रत्येक वर्ष सफलतापुर्वक गरिरहेको विर्ता स्पोर्ट्स क्लवका सचिव इन्दल राउतले जानकारी दिएका छन् ।

यस प्रदेश स्तरीय फुटबल टुर्नामेन्टमा १६ वटा टिम सहभागी हुने बताएको छ । साथै यहि पुस ४ गते देखि १२ गते सम्म इच्छुक टिम अनलाइन पेयमेन्ट गरेर दर्ता गर्न सकिने व्यवस्था रहेको सचिव राउतले बताए । प्रतियोगितामा प्रथम हुने टिमलाई नगद ७० हजार, प्रमाणपत्र, शिल्ड मेडल र दाेस्राे हुनेलाई नगद ३५ हजार, प्रमाणपत्र, शिल्ड मेडल र सन्त्वना पुरुस्कारकाे व्यवस्था रहेको आयोजक टिमले जनाए ।