काठमाडौं, पुस ११ गते ।
नुवाकोट पासाङल्हामु मार्गअन्तर्गत विदुर–ढुंगे सडकखण्डमा रहेको विदुर नगरपालिका-१ ढुंगेबजारमा आमाछोदिङ्मो गाउँपालिकाका अध्यक्ष ३५ वर्षिय वुचुङ तामाङले चलाएको बा२झ ३७८७ नम्वरको स्कोर्पियो गाडी अनियन्त्रित भई ठक्कर दिंदा एक महिलासहित ४ जना घाइते भएका छन् ।

मंगलबार तामाङले हाँकेको सरकारी गाडी अनियन्त्रित हुँदै आएको र पैदलयात्री, मोटसाइकल र दुई वटा गाडीलाई ठक्कर दिएको हो । प्रहरीले तामाङलाई नियन्त्रणमा लिएको छ ।