जनकपुरधाम, पुस १६ गते ।
अन्तर्राष्ट्रिय नयाँ वर्ष २०२४ को शुभ अवसरमा जनकपुरधाम स्थित जनजाति कल्याण आश्रम नेपाल जनक छात्रावासका विधार्थीहरुलाई न्यानो लुगा सहयोग प्रदान अर्थात वितरण गरिएको छ ।

जनकपुरधाममा एन्टी प्लास्टिक मैनको रुपमा परिचित युवा समाजसेवी कृष्ण चन्द्र साहको सहयोगमा जनक छात्रावासका विधार्थीहरुलाई जाडोबाट बच्नका लागि न्यानो लुगा उपलब्ध गराएको छ ।

सो अवसरमा प्रदेश सांसद रामअशिष यादव र प्लास्टिक पोलिथिन मुक्त अभियानका संयोजक कृष्ण चन्द्र साहले छात्रावासका विधार्थीहरुलाई न्यानो लुगा हस्तान्तरण गर्दै  संस्कार सहित शिक्षाको महत्त्व माथि प्रकाश पारेका छन ।

मधेश प्रदेशको राजधानी जनकपुरधाममा गुरुकुल परम्परा जस्तै  संचालित सो जनक छात्रावासमा देशका विभिन्न स्थानका चेपाङ सहित दलित जनजाति र आदिवासीका वालकहरु आश्रय लिएर संस्कार सहित शिक्षा ग्रहण गरि रहेको कुरा जनक छात्रावास जनकपुरधामका अध्यक्ष कृष्ण कुमार दिक्षितले जानकारी दिएका छन् ।