पवन प्रसाद साह
बिरगंज, पुस १८ गते ।
पर्साकाे बिरगंज स्थित गिता मन्दिर प्राङ्गणमा आज निशुल्क आँखा शिविर संचालन भएको छ । नेपाल अपांग संघ पर्साको आयोजनामा सम्पन्न भएको अँखा शिविरमा  मार्टिका आई फाउन्डेसनको सहयोग रहेको थियो ।

नारायणी क्षेत्रीय अस्पताल विकास समितिको अध्यक्ष धिरज गुप्ताको प्रमुख अतिथि तथा  नेपाल अपांग संघ पर्साका अध्यक्ष सम्भु पासवानको अध्यक्षतामा भएको थियो ।

सो कार्यक्रम तुलसीको बोटमा पानी हाली प्रमुख अथिती गुप्ताले संचालन गराएका थिए भने कार्यक्रमको सुरु उहाँ कै आँखाको चेकजाँच गरि गरिएको थियो ।

कार्यक्रममा बोल्दै प्रमुख अतिथि गुप्ताले नारायणी क्षेत्रीय अस्पतालले जनताको सेवाको लागि हरेक सुविधा थप्दै गएको बताए।अहिले नारायणी अस्पताललाई बिरामी उपचारको लागि पहिलो रोजाइमा राख्ने अस्पतालको रुपमा स्थापित गराउन लागि परेको बताए । अहिले अस्पताल अपांग मैत्री हुनुका साथै अपांग ब्यक्तीको सहयोग गर्न आफू २४ औ घन्टा तयारी अवस्थामा रहेको बताए ।

सो कार्यक्रममा अतिथिका रुपमा मदन गुप्ता, राजेश महतो, ओम कुमारी शर्माको उपस्तिथि रहेको थियो भने कार्यक्रममा स्वागत मन्तव्य डा.पुरुसोतम दुवेले गरेका थिए ।