भरतपुर, माघ ४ गते ।
चितवनको भरतपुर महानगरपालिका – १ मा व्यवसाय गरेर बसेका करन गुप्तालाई बारम्बार अपरिचित एनसेलका विभिन्न नम्बरबाट फोन गरी १५ लाख रकम फिरौति माग गर्दै उक्त रकम नदिए सुट गरि हत्या गर्छु पटक-पटक दिनरात धम्की दिने ३ जना युवाहरुलाई प्रहरीले पक्राउ गरेको छ ।
पक्राउ पर्नेमा भरतपुर महानगरपालिका–२१ बस्ने वर्ष २७ का सरोज सुनार, भरतपुर–१ बस्ने वर्ष २६ का दिपक वि.क र भरतपुर– २६ बस्ने वर्ष २५ का सागर वि.क रहेका छन् । रुपन्देही असुरैना वडा नं.३ का स्याथी बासिन्दा रहेका गुप्ताले धम्कीबारे जानकारी गराउँदै जिल्ला प्रहरी कार्यालय चितवनमा उजुरी दिएका थिए ।
पुस २८ गतेदेखि धम्की दिँदै आएका उनीहरुलाई हिजो माघ २ गते गुप्ताबाट फिरौति रकम लिन आएको अवस्थामा प्रहरीले पक्राउ गरेको हो ।
