जनकपुरधाम, फाल्गुन २९ गते । 
धनुषाको जनकपुरधाम रहेको सिटी स्टार फैमली होटेलमा बेहोस अवस्थामा भेटिएकी युवतीको मृत्यु भएकाे छ । सँगै रहेका दुई युवाहरू फरार भएका छन् ।

रामानन्दचोकस्थित सिटी होटलको कोठामा मंगलबार बिहान साढे ८ बजेतिर पोखराकी अन्दाजी २७ वर्षीया खुसखु सुनार बेहोस अवस्थामा भेटिएकी जिल्ला प्रहरी कार्यालय धनुषाका प्रवक्ता डिएसपी रञ्जन अवालले बताए ।

युवतीको शव पोस्टमार्टमको लागि प्रादेशिक अस्पताल जनकपुरमा राखिएको छ । सँगै बसेको भनिएका दुई युवकको खोजी गरिरहेको र घटना बारे थप अनुसन्धान गरिरहेको डिएसपी अवालले बताए ।