पवन प्रसाद शाह
बिरगंज, जेष्ठ १४ गते ।
पर्साकाे बिरगंजमा शनिबार देखि पर्सा जिल्ला लिग फुटबल प्रतियोगिता सुरु भएको छ । पर्सा जिल्ला फुटबल संघले आदर्शनगर रंगशालामा आयाेजना गरेकाे प्रतियाेगिताकाे आजको तेस्रो दिनको खेल ग्यालेक्सी युथ क्लब र लालीगुराँस क्लब बीच भएको खेलमा ग्यालेक्सी युथ क्लबले ३ -० ले खेल जितेको छ ।

आज तेस्रो खेलका प्रमुख अतिथि रहेका नेपाली कांग्रेस पर्साका उपसभापतिय नेता राम नारायण कुर्मीले खेलाडीहरु संग हात मिलाइ जितको शुभकामना दिएका थिए । त्यस्तै उनले अहिले आयोजना भएको फुटबल खेल प्रतियोगिताले जिल्लाको खेलकुद विकासमा पक्कै पनि टेवा पु¥याउने छ । प्रतियोगिता हुनु र त्यसले खेलकुदलाई नियमित बनाउनु राम्रो पनि हो । नयाँ प्रतिभाको खोजी हुनु, अवसर पाउनु र पुरानाहरू निखारिदै जानुले समग्र देशको खेलकुदमा योगदान बढ्ने उनले बिश्वास समेत व्यक्त गरे ।

पर्सा जिल्ला फुटबल संघ पर्साका अध्यक्ष रोशन कलवारको अध्यक्षमा आज सम्पन्न भएको खेलमा अखिल नेपाल फुटबल संघ मधेस प्रदेशका महासचिव दिपक साह, नेपाली कांग्रेस पर्साका सदस्य हरिन्द्र यादब लगायतकाहरुको सहभागिता रहेको थियो ।

फुटबल खेल प्रतियोगितामा अगामी जजेष्ठ २६ गते सम्म चल्ने छ भने प्रतियोगितामा जिल्लाका १३ वटा क्लबले भाग लिएको संघका महासचिव विनोद परीयारले जानकारी दिए ।