पवन प्रसाद शाह
बिरगंज, असार २८ गते ।
चितवनको नारायणगढ–मुग्लिन सडकको सिमलतालमा लेदोसहितको पहिरोले बगाउँदा दुईवटा बस त्रिशूली नदीमा बेपत्ता भएको घटनाप्रती नेपाली कांग्रेस पर्साका उपसभापति रामनारायण कुर्मीले दुख व्यक्त गरेका छन ।
आज बिहान ३ः३० बजे बा ०३-००६ ख १५१६ नंबरको वीरगञ्जबाट काठमाडौँ जाँदै गरेको एञ्जल बस र ०३-०००१ख २४९५ को काठमाडौँबाट रौतहटको गौर जाँदै गरेको गणपति डिलक्स बस त्रिशूलीमा खसेका हुन् ।
दुर्घटनामा परेर घाइते भएका सबैको शीघ्र स्वास्थ्य लाभको कामना गर्दै उपसभापति कुर्मीले उनीहरुको जतिसक्दो चाडै सुविधा सम्पन्न अस्पतालमा उपचारको प्रबन्ध मिलाउन सरकारसँग अनुरोध गरेका छन । गौर जाँदै गरेको बसमा ४१ जना र काठमाडौँ जाँदै गरेको बसमा २४ जना सवार रहेका थिए ।
