बर्दिवास, साउन २९ गते ।
हाम्रो माया घर निर्माणको लागि नेपाल कुशवाहा कल्याण समाज महाेत्तरीले आर्थिक सहयोग गरेकाे छ । बिगत लामो समयदेखि समाजसेवा क्षेत्रमा काम गरिरहेका नेपाल कुशवाहा कल्याण समाजले महाेत्तरीकाे बर्दिबासमा बन्न लागेको मानव सेवा आश्रमको भवन निर्माणको लागि रु. १३११३१/- आर्थिक सहयोग गरेको कुशवाहा समाजका अध्यक्ष विजय सिंहले जानकारि दिनुभयो ।
हाम्रो माया घरको भवन निर्माणको लागि यहीँ साउन २१ गते देखि २९ गतेसम्म बर्दिबासमा शिबपुराण माहायज्ञको आयोजना गरि आर्थिक संकलन गरिरहेको छ ।
सडक मानव, अनाथ, बेसारा हरुको साहाराको लागि बर्दिबासका बुद्धिजिबि युवाहरुले हाम्रो माया घर निर्माण गर्ने योजना बनाएर कार्य अगाडि बढाएका छन । बर्दिबास वडा – २ स्थित जग्गाको व्यवस्थापन भैसकेपछि घर निर्माणको लागी तिनै तहका सरकार देखि लिएर स्थानिय, व्यपारी, समाजसेवी लगायत विभिन्न संघसंस्थाहरु मार्फत रकम संकलन गरि बनाउने योजना रहेको आयोजक समितिले जनाएकाे छ ।
