भरतपुर, भदौ ९ गते ।
महेन्द्रनगरबाट काठमाण्डौं आउँदै गरेको बस अनियन्त्रित भई पल्टिएर दुर्घटना हुँदा १५ जना यात्रु घाइते भएको छ । भरतपुर-२९ घुमाउनेमा यात्रुबाहक बस अनियन्त्रित भई पल्टिँदा १५ जना यात्रु घाइते भएकाे हाे ।
बिहान सवा ७ बजेतिर नारायणघाट-मुग्लिन सडकको घुमाउनेमा बस डिभाइडरमा ठोक्किएको थियो ।
महेन्द्रनगरबाट काठमाण्डौं जाँदै गरेको सु.प्र.प्र.०२-००१ ख १३३२ नम्बरको बस दुर्घटनामा घाइते भएका मध्ये २ जनाको अवस्था गम्भीर रहेको जिल्ला प्रहरी कार्यालय चितवनका डिएसपी भेषराज रिजालले जानकारी दिए ।
घाइतेहरू १५ जनालाई चितवन मेडिकल कलेजमा उपचारका लागि पुर्याइएको छ । दुर्घटनापछि सडक एकतर्फी सञ्चालन भइरहेको छ।
