काठमाडौँ, असाेज १३ गते ।
धादिङको धुनिवेसी नगरपालिका–९ स्थित झ्याप्ले खोला क्षेत्रमा आएको पहिरोमा पुरिएका गाडीबाट थप १० जनाको शव निकालिएको छ । सशस्त्र प्रहरीका सहायक प्रवक्ता शैलेन्द्र थापाका अनुसार आइतबार ८ पुरुष र २ महिलाको शव फेला परेको जानकारी दिएका छन् ।
यसअघि शनिवार राति १४ जनाको शव निकालिएको थियो। यससँगै, शनिवारको पहिरोमा परेर मृत्यु हुनेहरूको सङ्ख्या २५ पुगेको सशस्त्र प्रहरीले पुष्टि गरेको छ । पहिरोमा बस र माइक्रो बसहरू पुरिएका हुन्, र हाल पनि उद्धार कार्य जारी रहेको छ ।
