
सप्तरी, कार्तिक ४ गते ।
सप्तरीको कञ्चनरुप नगरपालिका बरमझियामा आज बिहान बस दुर्घटना हुँदा एक महिलाको घटनास्थलमै मृत्यु भएको छ। दुर्घटनामा २६ जना घाइते भएका छन् जसमध्ये आठ जनाको अवस्था गम्भीर छ ।
उदयपुरको गाईघाटबाट काँकडभिट्टातर्फ गइरहेको प्रदेश १–०१–००१ ख ४१२६ नम्बरको बस आज बिहान करिब ७ बजे दुर्घटना हुँदा उदयपुरकी २१ वर्षीया मैया राईको मृत्यु भएको प्रहरीले जनाएको छ ।

गम्भीर घाइतेहरूलाई उपचारका लागि विराटनगर पठाइएको छ । अन्य १८ घाइतेको उपचार स्थानीय धर्मेश्वर अस्पतालमा भइरहेको छ ।
विपरीत दिशाबाट आएको मोटरसाइकल जोगाउन खोज्दा बस दुर्घटना भएको बताइएको छ । बस र मोटरसाइकल सडकमै पल्टिएका छन् । रासस