जलेश्वर, कात्तिक १३ गते ।
महोत्तरीको सम्सी गाउँपालिका वडा वडा नम्बर ३ मा जनता समाजबादी नेपालका आधारभूत संगठन निर्माण अभियान अन्तर्गत वडा स्तरीय अभिमुखिकरण कार्यक्रम भब्यताका संग सम्पन्न भएको छ ।
जसपा नेपालको वडा कमिटी अध्यक्ष अबदुल कलामको अध्यक्षतामा कार्यक्रम सम्पन्न भएको छ । कार्यक्रमको प्रमुख अतिथि महोतरी क्षेत्र नं४ख को सांसद सरोज सिंह कुशवाहा, विशिष्ट अतिथि प्रदेश अभियन्ता रामनरेश यादव, अतिथि एवम अभियन्ता दिपक झा गुडु सम्सी गाउँपालिका अध्यक्ष रामनाथ यादव, क्षेत्रिय सचिव तेजनारायण यादव, रामगोपालपुर संयोजक सुरेश कुमार यादव, बिजय यादव लगायत स्थानियहरुको उपस्थित रहेको थियो ।
कार्यक्रममा आफ्नो मन्तब्य राख्दै प्रदेश अभियन्ता एवम जसपा नेपालको पूर्व जिल्ला अध्यक्ष राम नरेश यादव अन्य पार्टी भन्दा जसपा नेपाल किन र कसरी अग्रगमन भएको औचित्यमाथि प्रष्ट पार्नु भयो । उनले राज्य सत्ताले जहिले पनि मधेशी आदिवासि जनजाती लगायत पिछडीएका समसुदायहरुको आवाज उठाउँदै आएको जसपा नेपाललाई कमजोर वनाउने निति रहेको र त्यसको जवाफ जहिले पनि जनताले दिईरहेकोले अझ सशक्त रुपमा व्यालेट वाट दिनु पर्ने बताउनु भयो ।
कार्यक्रमको विषय प्रवेश र एजेन्डा माथि बोल्दै यादवले पार्टि सरकारमा रहँदा र मधेश जन विद्रोह बाट भएका उपलव्धीहरुको बारेमा चर्चा परिचर्चा व्यापक रुपमा जनस्तर सम्म गर्नु पर्ने लगायतका अभियानको अन्य कार्यक्रमको वारेमा प्रष्ट्याउनु भएको थियो ।
सम्सी गाउँपालीकामा गाउँपालिका स्तरीय कार्यक्रममा उत्साह जनक उपस्थितिले यस पालीकाको नेता कार्यकर्ताहरुको मनोवल उच्च बनाएकोले आउँदो दिनमा संगठन अझ सुदृढ गर्दै लैजाने यादवले बिश्वनश व्यक्त गरेका हुन् ।
त्यस्तै अभिनता दिपक झा केहि लोभि पापीहरु संगठन बाट बाहीरिदैँमा जसपा नेपाललाई कुनै असर नपर्ने भन्दै कार्यकर्ताहरुलाइ अगाडि बढन आग्रह गरेका हुन् ।
