
काठमाडौं, मंसिर ३ गते ।
पूर्वसभामुख दमननाथ ढुंगानाको निधनको शोकमा आज सार्वजनिक बिदा दिने सरकारले निर्णय गरेको छ । ढुंगानाको राष्ट्रिय सम्मानका साथ आज अन्त्येष्टि गरिने कार्यक्रम रहेको छ ।
मन्त्रिपरिषद बैठकका निर्णय सुनाउँदै सरकारका प्रवक्ता पृथ्वीसुब्बा गुरुङले उक्त जानकारी गराएका हुन् । वरिष्ठ अधिवक्ता ढुंगाना २०४८ सालदेखि २०५१ सालसम्म सभामुख रहेका थिए । उनी सरकार-माओवादी शान्ति वार्ताका सहजकर्ता समेत थिए ।
