
गाैशाला, मंसिर ७ गते ।
जिल्ला प्रशासन महाेत्तरीमा नासु अशाेक कुमार यादवलाई २० हजार घुस रकम सहित पक्राउ परेको छ ।
प्रशासन कार्यालयका मुद्दा शाखाका नासु (नायब सुब्बा) अशोक कुमार यादवलाई २० हजार घुस रकम सहित केही महत्त्वपूर्ण कागजात नियन्त्रणमा लिइएको प्रशासन विशेष स्रोतले जानकारी दियो ।
उनी आज सेवाग्राहीबाट लिएको २० हजार रुपैयाँ घुससहित रंगेहात पक्राउ परेका हुन् ।
प्राप्त जानकारीअनुसार, अख्तियारको टोलीले आज बिहानै महोत्तरी जिल्ला प्रशासन कार्यालयमा छापा मारी नासु र केही कर्मचारीहरूसँग सम्बन्धित कागजातहरू जफत गरेको हो ।
प्रारम्भिक अनुसन्धानका क्रममा नासु माथि सूक्ष्म निगरानी राखिएको थियो ।