काठमाडौं, मंसिर १३ गते ।
काठमाडौंकाे प्रसिद्ध खेल मैदानको रुपमा परिचित सानो गौचरन स्टेडियमको पुननिर्माण सुरु भएको छ । काठमाडौं महानगरपालिकाका उपप्रमुख सुनिता डंगोलद्वारा आज एक विशेष कार्यक्रममा शिलान्यास गरिएको हो ।

सानो गौचरनमा ९६×६२ मिटरको खेल मैदान हुनेछ । मैदानमा आकाशे पानी निकास प्रणालीसहितको कृतिम घाँस राखिनेछ । वरिपरि सिमा पर्खाल हुनेछ । यसमा २८ वटा चार पाङ्ग्रे र १७८ वटा २ पाङ्ग्रे सवारी साधन अट्ने क्षमताको पार्किङ् हुनेछ । स्टेडियमको भुइँ तलामा महिलाका लागि २३ वटा र पुरुषका लागि १६ वटा शौचालय हुनेछन् । पहिलो तलामा ७ वटा महिलाका लागि र ५ वटा पुरुषका लागि शौचालय हुनेछन् ।

स्टेडियममा एउटा फिजियोथेरापी कक्ष, ३ वटा पुरुषका लागि ३ वटा महिलाका लागि गरेर ६ वटा कपडा फेर्ने कोठा, एउटा प्राथमिक उपचार कक्ष र २ वटा टिम लकर हुनेछन् ।