गाैशाला, मंसिर १३ गते ।
लागूऔषध ब्राउन सुगर सहित दुईजनालई महोत्तरी प्रहरीले पक्राउ गरेको छ ।

जिल्लाको बर्दिबासमा एम्बुलेन्सबाट ब्राउन सुगरसहित दुई जनालाई महोत्तरी प्रहरीले पक्राउ गरेको छ । इलाका प्रहरी कार्यालय बर्दिबासले प्राथमिक स्वास्थ्य केन्द्र कपिलाकोट सिन्धुलीको एम्बुलेन्सबाट ब्राउन सुगरसहित दुई जनालाई नियन्त्रणमा लिएको हो ।

सिन्धुलीतर्फ जाँदै गरेको बागमती प्रदेश ०१–००२ झ ६६९० नम्बरको एम्वुलेन्सबाट १० ग्राम ब्राउन सुगर बरामद भएको जिल्ला प्रहरी कार्यालय महोत्तरीले जनाएको छ ।

वीपी राजमार्गमा बुधबार राति बर्दिबास–३ स्थित चेकजाँचको क्रममा एम्बुलेन्सबाट ब्राउन सुगरसहित दुई जनालाई नियन्त्रणमा लिइएको इलाका प्रहरी कार्यालय बर्दिबासका प्रहरी नायव उपरीक्षक रेवती रमण पोखरेलले बताए ।

पक्राउ परेपछि थप अनुसन्धान भइरहेको उनले बताए ।