
काठमाडौं जिल्ला अदालतमा राष्ट्रिय स्वतन्त्र पार्टी (रास्वपा) का सभापति रवि लामिछानेको बयान सकिएसँगै थुनछेक बहस स्थगित गरिएको छ । कालिमाटीस्थित स्वर्णलक्ष्मी सहकारी ठगीको आरोपमा पक्राउ परेका लामिछाने आज अदालतमा उपस्थित भएका थिए ।
न्यायाधीश माधव अधिकारीको इजलासमा बयान पूरा भए पनि थुनछेक बहस आजको लागि रोकिएको छ र मुद्दालाई हेर्दाहेर्दैमा राखिएको छ। अदालतले लामिछानेलाई न्यायिक हिरासतमा राख्ने आदेश जारी गरेको छ ।
लामिछानेसहित ३९ जनाविरुद्ध संगठित ठगीको आरोपमा गत पुस २१ गते काठमाडौंमा मुद्दा दायर गरिएको थियो । यसअघि, उनी कास्की जिल्ला अदालतबाट सूर्यदर्शन सहकारी ठगी मुद्दामा ६५ लाख धरौटीमा छुटेका थिए ।