
राहुल गुप्ता
बिरगंज, माघ २ गते ।
पर्साकाे बिरगंजमा बढ्दो जाडोका कारण बिरगंज महानगरपालिका मातहत रहेका सामुदायिक र संस्थागत विद्यालयमा ३ दिन बिदा दिइएको छ ।
बिरगन्ज महानगरपालिकाको शिक्षा महाशाखा प्रमुख हरि राउतले बढ्दो जाडोका कारण विद्यार्थीको स्वास्थ्यमा पर्न सक्ने प्रतिकूल प्रभावलाई मध्यनजर गर्दै माघ २ गते देखि ४ गतेसम्म विदा दिइएको बताएका छन ।
शीतलहर र हुस्सुले यहाँको जनजीवन प्रभावित बनेको छ । जाडो बढेसँगै ज्येष्ठ नागरिक र बालबालिकाहरू बढी प्रभावित भएका छन् । चिसोबाट जोगाउन वीरगन्ज महानगरपालिकाले सहरका विभिन्न चोकमा दाउरा बाल्ने प्रबन्ध पनि मिलाएको छ ।
आज बाट दिइएको बिदामा केही निजि बिधालयहरुले महानगरको आदेशको अवज्ञा गरेको पाइएको छ । शीतल लहरले सब भन्दा बढि असर बालबालिकालाई हुने जानकारी हुँदा हुँदै पनि निर्देशनको अवज्ञा गरेको पाइएको छ । यस सम्बन्धि बिरगंज महानगरपालिकाले अनुगमन गरि यस्ता विधालयहरुलाई कार्वाही गर्न जरुरी रहेको छ ।