जनकपुरधाम, चैत ८ गते ।

आजको दिन तपाईंको राशि अनुसार कस्तो रहनेछ? प्रेम, स्वास्थ्य, करिअर, र आर्थिक पक्षमा आजको दिनले कस्तो प्रभाव पार्नेछ? यहाँ १२ राशिका लागि विस्तृत राशिफल प्रस्तुत गरिएको छ।

मेष (चु, चे, चो, ला, लि, लु, ले, लो, अ)

आजको समय मेष राशि भएका व्यक्तिहरूका लागि सकारात्मक रहनेछ। पारिवारिक सुख मिल्नुका साथै अध्ययनमा प्रगति हुनेछ। आर्थिक पक्ष सुदृढ बन्नेछ भने कानुनी वा प्रतियोगितात्मक क्षेत्रमा सफलता मिल्ने सम्भावना छ। धार्मिक यात्राबाट लाभ मिल्नेछ, व्यवसायिक क्षेत्र पनि लाभदायक रहनेछ।

वृष (इ, उ, ए, ओ, बा, बि, बु, बे, बो)

वृष राशि भएकाहरूका लागि आज दिन सामान्य रहन सक्छ। पारिवारिक विवाद बढ्न सक्छ, स्वास्थ्यमा समस्या आउन सक्छ। अधुरो काम रोकिन सक्ने भएकाले सचेत रहनुहोस्। नयाँ लगानी वा शेयर कारोबारका लागि समय अनुकूल छैन। विद्यार्थीहरूले राम्रो नतिजाका लागि कडा मिहिनेत गर्नुपर्नेछ।

मिथुन (का, कि, कु, घ, ङ, छ, के, को, ह)

मिथुन राशि भएका व्यक्तिहरूको लागि आज समय राम्रो रहनेछ। रोकिएका कामहरू पूरा हुनेछन्। लगानीबाट राम्रो प्रतिफल मिल्न सक्छ। प्रेम सम्बन्धमा सुधार हुनेछ, पति-पत्नीबीच समझदारी बढ्नेछ। पढाइमा ध्यान केन्द्रित गर्न सकिनेछ भने शेयर बजारबाट पनि फाइदा मिल्ने सम्भावना छ।

कर्कट (हि, हु, हे, हो, डा, डि, डु, डे, डो)

कर्कट राशि भएका व्यक्तिहरूको लागि आज उत्साहपूर्ण रहनेछ। शत्रुहरू परास्त हुनेछन्। पारिवारिक तथा प्रेम जीवन सन्तोषजनक रहनेछ। सरकारी तथा प्रशासनिक कामहरू सहज रूपमा सम्पन्न हुनेछन्। सामाजिक प्रतिष्ठा बढ्नेछ भने विद्यार्थीहरूले अध्ययनमा राम्रो प्रगति गर्नेछन्।

सिंह (मा, मि, मु, मे, मो, टा, टि, टु, टे)

सिंह राशि भएकाहरूका लागि आजको समय मध्यम रहनेछ। परिवारसँग समय बिताउन पाइनेछ। प्रेम जीवनमा सकारात्मकता आउन सक्छ। स्वास्थ्य सामान्य रहनेछ भने व्यापारबाट सामान्य लाभ मिल्नेछ। शिक्षा क्षेत्रमा प्रगति हुने सम्भावना छ। तर, शेयर बजारमा ठूला निर्णय नगर्नु उचित हुनेछ।

कन्या (टो, प, पि, पु, ष, ण, ठ, पे, पो)

कन्या राशि भएका व्यक्तिहरूका लागि आजको समय केही प्रतिकूल हुन सक्छ। चोटपटक लाग्न सक्ने सम्भावना भएकाले सतर्क रहनुहोस्। पेट तथा छातीसम्बन्धी समस्याले सताउन सक्छ। यात्रा फलदायी नहुन सक्छ भने साथीभाइको सहयोग पाउन कठिन हुनेछ। शेयर बजारमा घाटा लाग्न सक्ने सम्भावना भएकाले सावधानी अपनाउनुहोस्।

तुला (र, रि, रु, रे, रो, ता, ति, तु, ते)

तुला राशि भएकाहरूका लागि आजको दिन शुभ रहनेछ। पारिवारिक सहयोग मिल्नेछ। आर्थिक पक्ष मजबुत रहनेछ भने आम्दानीमा वृद्धि हुनेछ। रमाइलो यात्राको अवसर प्राप्त हुन सक्छ। विद्यार्थीहरू अध्ययनमा रुचि लिनेछन् भने शेयर बजारमा लगानीकर्ताहरूलाई राम्रो लाभ हुने देखिन्छ।

वृश्चिक (तो, ना, नि, नु, ने, नो, या, यि, यु)

वृश्चिक राशि भएकाहरूका लागि आजको समय मध्यम रहनेछ। सोचविचार नगरी निर्णय गर्दा समस्या उत्पन्न हुन सक्छ। आफन्त तथा पारिवारिक सदस्यहरूसँग विवाद हुन सक्ने सम्भावना छ। संचित धनको नाश हुनसक्छ। विद्यार्थीहरूले ध्यान दिएर पढेमा राम्रो नतिजा हात पार्न सक्नेछन्। शेयर बजारमा सन्तुलित कारोबार गर्दा राम्रो हुनेछ।

धनु (ये, यो, भ, भि, भु, ध, फा, ढ, भे)

धनु राशि भएकाहरूका लागि आजको समय राम्रो रहनेछ। आम्दानी बढ्नेछ, उठ्नुपर्ने रकम हात पर्नेछ। गरेका कामबाट राम्रो प्रतिफल प्राप्त हुनेछ। स्वादिष्ट भोजन गर्ने अवसर मिल्नेछ। पढाइमा सुधार हुनेछ भने शेयर बजारबाट लाभ प्राप्त हुने सम्भावना छ।

मकर (भो, ज, जि, खि, खु, खे, खो, गा, गि)

मकर राशि भएकाहरूका लागि आज सामान्य समय रहनेछ। आम्दानीभन्दा खर्च बढ्ने सम्भावना छ। व्यवसायमा लगानी बढाउनुपर्ने हुन सक्छ। जागिरमा कठिनाइ आउन सक्छ। स्वास्थ्य कमजोर रहने भएकाले सावधानी अपनाउनुहोस्। पारिवारिक विवादबाट टाढा रहनु नै उचित हुनेछ। नयाँ लगानी गर्न हतार नगर्नुहोस्।

कुम्भ (गु, गे, गो, सा, सि, सु, से, सो, द)

कुम्भ राशि भएकाहरूका लागि आजको समय शुभ रहनेछ। रोकिएका आर्थिक लेनदेन मिल्नेछ। अग्रज व्यक्तिहरूबाट सहयोग प्राप्त हुनेछ। पारिवारिक जीवन सुखमय रहनेछ। विद्यार्थीहरूले पढाइमा राम्रो नतिजा प्राप्त गर्नेछन्। शेयर बजारमा लाभ हुने सम्भावना देखिन्छ।

मीन (दि, दु, थ, झ, ञ, दे, दो, च, चि)

मीन राशि भएकाहरूका लागि आजको समय फलदायी रहनेछ। नयाँ काम सुरू गर्नका लागि राम्रो समय रहेको छ। कार्यक्षेत्रमा सहजता आउनेछ। आम्दानीमा वृद्धि हुनेछ भने साथीभाइको सहयोग मिल्नेछ। अध्ययनमा प्रगति हुने सम्भावना छ। शेयर कारोबारमा फाइदा मिल्ने संकेत देखिन्छ।