पवन प्रसाद साह
काठमाडौंमा हालै सम्पन्न दोस्रो अन्तर्राष्ट्रिय मातृभाषा पत्रकार सम्मेलनको घोषणापत्र नेपालका लागि बंगलादेशका राजदूत मोहम्मद शफिकर रहमानलाई हस्तान्तरण गरिएको छ ।
सार्क पत्रकार मञ्च (SJF) र नेवार पत्रकारहरूको लागि राष्ट्रिय मञ्च (NFNJ) का प्रतिनिधिहरू सम्मिलित टोलीले काठमाडौंस्थित बंगलादेश दूतावासमा राजदूतलाई शिष्टाचार भेटका क्रममा घोषणापत्रको प्रतिलिपि हस्तान्तरण गरेका हुन्।
प्रतिनिधिमण्डलमा SJF का केन्द्रीय अध्यक्ष राजु लामा, महासचिव मोहम्मद अब्दुर रहमान, NFNJ का अध्यक्ष नृपेन्द्र लाल श्रेष्ठ, SJF बंगलादेशका नेता रफिकुल इस्लाम आजाद र NFNJ का नेता प्रजित शाक्य सहभागी थिए ।
घोषणापत्रमा भाषिक विविधताको सम्मान, सीमापार सञ्चार सहकार्य र दक्षिण एसियाली मातृभाषा पत्रकारहरूको संरक्षण तथा प्रवर्द्धनका लागि गरिएका संकल्प र प्रतिबद्धताहरू उल्लेख छन् ।
मातृभाषा पत्रकारिताको १०१ औं वर्षको सन्दर्भमा आयोजित उक्त सम्मेलनमा सार्क राष्ट्रका ५० भन्दा बढी प्रतिनिधिसहित करिब १०० पत्रकारको सहभागिता थियो । सम्मेलन (१३–१४ जुन) काठमाडौंमा सम्पन्न भएको हो ।
