ऐजेन्सी
जापानको उत्तरपूर्वी भूभाग सोमबार राति शक्तिशाली भूकम्पले कापिएको छ। स्थानीय समय अनुसार राति ११:१५ बजे ७.६ म्याग्निच्युडको यो भूकम्प आएपछि तटीय क्षेत्रहरूमा सुनामीको जोखिम बढेको भन्दै सतर्कता सतह उच्च बनाइएको जापानी मौसम विज्ञान निकाय (JMA) ले जनाएको छ।

जेएमएका अनुसार भूकम्पको केन्द्रबिन्दु ४१.० डिग्री उत्तरी अक्षांश र १४२.३ डिग्री पूर्वी देशान्तर क्षेत्रबाट उत्पत्ति भएको हो। भूकम्पपछि होक्काइदो, आओमोरी र इवाते प्रान्तका तटीय भूभागमा तीन मिटर उचाइसम्मका छालाहरू आउन सक्ने सम्भावना रहेको चेतावनी जारी गरिएको छ। स्थानीय प्रशासनले जोखिममा रहन सक्ने क्षेत्रका बासिन्दालाई आवश्यक सतर्कता अपनाउन, सुरक्षित स्थानमा बस्न तथा समुद्रकिनारबाट टाढा रहन आग्रह गरेको छ।

सुनामी प्रभाव मियागी र फुकुशिमा क्षेत्रतर्फ समेत फैलिन सक्ने भएकाले त्यहाँ पनि उच्च सतर्कता सूचना जारी गरिएको छ। हालसम्म क्षति विवरण सार्वजनिक नभए पनि आपतकालीन उद्धार टोलीहरू सतर्क अवस्थामा रहेको बताइएको छ।

जापान पछिल्ला वर्षहरूमा बारम्बार ठूला भूकम्प र सुनामी जोखिम भोगिरहेको हुँदा यस घटनाप्रति प्रशासन र जनतामा उच्च सावधानी अपनाइएको छ।