धनगढी : कञ्चनपुर जिल्लाको भिमदत्त नगरपालिका–३ र ४ का बजार क्षेत्रबाट भन्सार छलि अवैध रूपमा भारतबाट भित्र्याइएका विभिन्न उपभोग्य सामग्री प्रहरीले नियन्त्रणमा लिएको छ ।

जिल्ला प्रहरी कार्यालय कञ्चनपुरबाट खटिएको गस्ती टोलीले बेवारिसे अवस्थामा फेला पारेका सामान जाँच गर्दा करिब चार लाख ९८ हजार ५ सय रुपैयाँ बराबरको चिनी, बिडी, सुर्ती, खाने तेल, गुडिया, प्लास्टिक झिल्ली तथा अन्य किराना सामग्री रहेको पुष्टि भएको प्रहरीले जनाएको छ ।

बरामद गरिएका ती सबै सामान कानुनी प्रक्रिया पूरा गरी सम्बन्धित भन्सार तथा निकायमा बुझाउने तयारी भइरहेको जिल्ला प्रहरी कार्यालयले जानकारी दिएको छ ।