काठमाडौं, फाल्गुन २१ गते ।
प्रतिनिधिसभा निर्वाचनका दिन काठमाडौं उपत्यकामा सुरक्षा व्यवस्था कडा पारिँदै अनुमति नलिई चलाइएका करिब ९०० सवारीसाधन नियन्त्रणमा लिइएका छन् ।

काठमाडौं उपत्यका ट्राफिक प्रहरी कार्यालयका प्रहरी उपरीक्षक नरेशराज सुवेदीका अनुसार, अधिकांश सवारी ‘कोर’ क्षेत्रमा सञ्चालन भइरहेको अवस्थामा नियन्त्रणमा लिइएका हुन्। उनीहरूले बताए अनुसार, निर्वाचनको दिन अत्यावश्यक सेवा बाहेक अन्य सवारी सञ्चालनमा रोक रहेको छ ।

मोटरसाइकल, स्कुटर र अन्य सवारीसाधनलाई अनुमति (पास) बिना चलाइएको पाइएकोले आवश्यक कारबाही प्रक्रिया अघि बढाइएको प्रहरीले जनाएको छ ।