गाैशाला, फाल्गुन २३ गते ।
महोत्तरी–१ बाट राष्ट्रिय स्वतन्त्र पार्टी (रास्वपा) का तर्फबाट प्रतिनिधिसभा सदस्यमा निर्वाचित प्रमोद महतोको विजयको अवसरमा बर्दिवासमा विजय र्‍याली निकालिएको छ ।

निर्वाचनमा उल्लेखनीय मतान्तर सहित विजयी भएपछि समर्थक र कार्यकर्ताहरूले बर्दिवासका विभिन्न स्थानमा र्‍याली निकाल्दै खुशीयाली मनाउँदै छन् । र्‍यालीमा ठूलो संख्यामा नेता, कार्यकर्ता तथा सर्वसाधारणको सहभागिता रहेको छ ।

र्‍यालीका क्रममा समर्थकहरूले नाराबाजी गर्दै महतोको जीतप्रति उत्साह व्यक्त गरेका छन् । यस अवसरमा महतोले मतदाताप्रति आभार व्यक्त गर्दै जनताको अपेक्षा अनुसार पार्टीले काम गर्ने प्रतिबद्धता जनाएका छन् ।