गाैशाला, चैत १८ गते ।
महोत्तरीको भंगाहा नगरपालिका–४ स्थित रातु खोलाबाट अवैध रूपमा बालुवा तथा ग्राभेल उत्खनन भइरहेको अवस्थामा प्रहरीले एक टिफर नियन्त्रणमा लिएको छ ।

जिल्ला प्रहरी कार्यालय महोत्तरीका अनुसार बुधबार प्राप्त सूचनाका आधारमा प्रहरी चौकी सितापुरबाट खटिएको टोलीले उत्खनन गरी लोड गरेर लैजाँदै गरेको प्र.०२–००१ क ०६३३ नम्बरको टिफर नियन्त्रणमा लिएको हो ।

प्रहरीले नियन्त्रणमा लिएको टिफरलाई आवश्यक अनुसन्धान तथा कारबाहीका लागि भंगाहा नगरपालिका नगर कार्यपालिकाको कार्यालयमा पठाइएको जनाएको छ ।

स्थानीय क्षेत्रमा नदीजन्य पदार्थको अवैध उत्खनन बढ्दै गएको भन्दै यसलाई नियन्त्रण गर्न सरोकारवाला निकायले कडाइ गर्नुपर्ने आवश्यकता देखिएको छ ।