गाैशाला, असाेज १ गते ।
महोत्तरीको आवाजका रूपमा स्थापित ‘द पब्लिक टुडे’ ले आफ्नो प्रकाशन यात्राको १३ वर्ष पूरा गरी १४औँ वर्षमा प्रवेश गरेको अवसरमा **राजधानी टुडे मिडिया प्रा.लि.**ले सम्पूर्ण पब्लिक टुडे परिवारमा हार्दिक बधाई तथा शुभकामना व्यक्त गरेको छ ।

राजधानी टुडे मिडिया प्रा.लि.का प्रबन्धक/निर्देशक राजेश सिंहले शुभकामना व्यक्त गर्दै पब्लिक टुडेले विगत १३ वर्षदेखि समाजका हरेक गतिविधि, नागरिकका समस्या, महत्वपूर्ण घटनाक्रम तथा जनसरोकारका विषयलाई निरन्तर सञ्चारमाध्यममार्फत उजागर गर्दै आएको उल्लेख गर्नुभएको छ ।

उहाँले पत्रकारिता केवल सूचना प्रवाह गर्ने माध्यम मात्र नभई समाजका आवाजलाई सम्बन्धित निकायसम्म पुर्‍याउने महत्वपूर्ण जिम्मेवारीसमेत भएकाले आगामी दिनमा पब्लिक टुडेले अझ जिम्मेवार, निष्पक्ष, स्वतन्त्र, सन्तुलित र सर्वपक्षीय पत्रकारितालाई प्राथमिकता दिने विश्वास व्यक्त गर्नुभयो ।

“समाजका वास्तविक आवाज, समस्या, सम्भावना र सवाललाई अझ सशक्त रूपमा उजागर गर्दै पब्लिक टुडेले आगामी दिनमा पनि आफ्नो विश्वसनीयता कायम राख्ने विश्वास लिएका छौँ,” शुभकामना सन्देशमा उल्लेख छ ।

१४औँ वर्ष प्रवेशको सुखद अवसरमा पब्लिक टुडे परिवारमा पुनः हार्दिक बधाई तथा शुभकामना व्यक्त गर्दै उहाँले आगामी प्रकाशन यात्रा अझ सफल, विश्वसनीय, प्रभावकारी र उपलब्धिमूलक बनोस् भन्ने कामना गर्नुभएको छ ।

राजेश सिंह
प्रबन्धक/निर्देशक
राजधानी टुडे मिडिया प्रा.लि.
गौशाला–१२, महोत्तरी