गौशाला : महोत्तरीको गौशालामा एक पसलमा आगलगी हुँदा लाखौंको क्षति भएको छ । गौशाला नगरपालिका वडा नं. ५ पुरानो वाणिज्य बैंक भएको भवनमा भाडा लिई पसल संचालन गरेका वर्ष ४० का कमलेश मंडलको चाँदनी रेडिमेड सेन्टरमा आगलगी हुँदा करिब ११ लाख मूल्य बराबरको रेडिमेड कपडाहरु जलेर नष्ट मुल्य हाे ।

२० मिनेट पहिले पसल बन्द गरी निगौलचौक मै साथीभाईहरुसंग कुराकानी गरीरहेको बेला एक्कासी तपाईको पसलमा आगलगी भएको फोन आउँदा हतारहतारमा पसलमा आउँदा आगोको धुवाले पसल नै भरिएको पसल संचालक कमलेश मंडलले बताए । आफु पसलमा आउनु भन्दा अगाडी नै प्रहरीको टोली आई पसलमा लागेको ताल्चा फुटाई आगोलाई नियन्त्रणमा लिएको मंडलले बताए ।

इलाका प्रहरी कार्यालय गौशालाको प्रहरीटोली, र स्थानीयबासिहरुले आगोलाई नियन्त्रणमा लिएको छ ।आगलागीबाट मानवीय क्षति नभएको ईलाका प्रहरी कार्यालयका प्रहरी निरीक्षक रंजन मिश्रले बताए । आगलगी विद्युतको सर्टसर्किटबाट भएको अनुमान गरिएको छ ।