गौशाला : महोत्तरीकाे औरही नगरपालिकाको एक इटा भट्टामा एक पुरुषको शव फेला परेको छ । बुधबार औरही नगरपालिकावडा नम्बर ७ स्थित रहेको MTL ईटा भट्टामा रहेको परालको छाप्रो घर भित्र एक व्यक्तिको शव फेला परेको हो ।

MTL ईटा भट्टामा रहेको परालको छाप्रो भएको घरमा भित्र स्थानीय ५२ वर्षीय ईन्द्रदेव झाको शव फेला परेको जिल्ला प्रहरी कार्यालय महोत्तरीले जनाएको छ। MTL ईट्टामा झाको पत्नी खाना लिएर जादा शव देखेपछि प्रहरीलाई खबर गरेका थिए ।

झा घरमा घोप्टो परेको र दाहिने आँखा फुटेको अवस्थामा उनको शव फेला परेको परिवार जनले बताए । मृतका परिवारजनले कसैले हत्या गरेर घर भित्र राखिदिएको आशंका व्यक्त गरे ।

यता मृतक झाको शवलाई पोष्टमार्टमका लागि जिल्ला अस्पताल जलेश्वर पठाइएको र घटनाबारे थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।