गौशालाः महोत्तरीको गौशाला नगरपालिकाको जिन्सी शाखाका कार्यभार सम्भालेका (सि.अ.हे.व. अधिकृत छैठो) चन्द्रकला साहको बिहिबार निधन भएको छ । साहको निधनमा नगरपालिकाले आज शुक्रबार एक दिनका लागि शोक बिदा दिएको छ ।

गौशाला नगरपालिकाको जिन्सी शाखामा जिम्मेवारी पाएका साहले आफ्नो कार्यभार नियमित र ईमान्दारी पूर्वक सम्भाल्दै आएको साह केही दिन अघि गौशालाबाट बर्दिवास तर्फ जादै गर्दा एक्कासी शसस्त्र वेशक्याम्प रामनगर भन्दा दुई सय मिटर अगाडी रिङटा लागि मोटरसाईकल दुर्घटना भएको र उपचारको लागी काठमाण्डौ स्थित ट्रमा सेन्टरमा उपचारको क्रममा निधन भएको नगरप्रमुख डा. दिपेन्द्र महतोले बताए ।

कार्यपालिकाको कार्यालय र वडा कार्यालय निधनमा नगर आकस्मिक सेवा र बर्थिङ सेवाहरु बाहेक अन्य स्वास्थ्य संस्थाहरुहरुमा शोक बिदा दिइएका छन् । नगरपालिकाको प्रमुख प्रशासकीय अधिकृत बिरेन्द्रजङ्ग थापाले एक सूचना जारी गर्दै शोक विदा दिएका हुन् ।