महोत्तरी : नेपाल विधुत प्राधिकरणका महानिर्देशक कुलमान घिसिङ आज महोत्तरी गौशाला १२ स्थित गैरी्टोलमा आउंदै छन् । शनिबार गौशाला नगरपालिका वडा नम्बर १२ गैरी्टोलमा बुद्ध समाज सेवा संस्थाले सोनाम ल्होछारको अवसरमा आयोजना गरेको शुभकामना आदान प्रदान कार्यक्रममा सहभागि हुन घिसिङ महोत्तरी आउन लागेका आयोजकले जनाएको छ ।

उज्यालो नेपालका नायक घिसिङ नेपाल तामाङ घेदुका केन्द्रीय सल्लाहकार समेत हुन् । उनीसँगै नेपाल तामाङ घेदुङका केन्द्रीय अध्यक्ष मोहन गोले पनि सोही कार्यक्रममा आउने आयोजक बुद्ध समाज सेवा संस्थाले जनाएको छ ।

आयोजकले दिएको जानकारी अनुसार सोनाम ल्होछार २८५९ ह्योयी तावर ल्हो को अवसरमा त्यहाँ हुने कार्यक्रमको सम्पूर्ण अन्तिम तयारी पूरा भई सकेको छ । कार्यक्रममा राष्ट्रिय कलाकारहरु ईन्दीरा गोले, फुलकुमार बोम्जन, प्रमिला मुक्तान र अन्य कलाकारहरु पनि आउनेछन् ।
सोनाम ल्होछार तामाङ समुदायको नयाँ वर्ष हो । यो हरेक वर्ष नेपालमा धुमधामसँग मनाउने गरिएको छ ।