सर्लाही, चैत २४ गते ।
सर्लाही जिल्लाकाे दक्षिणी तथा पुर्वी भेगमा पर्ने पर्सा गाउँपालिका–२, संग्रामपुरमा विद्यालय, चोक र वडा कार्यालयमा सीसी क्यामेरा जडान गरिएको छ ।

गाउँपालिकाको सहयोगमा सीमावर्ती क्षेत्रस्थित सो स्थानमा सीसी क्यामेरा जडान गरिएको हो । सीसी क्यामेरा जडान कार्यको शुक्रबार पर्सा गाउँपालिकाका अध्यक्ष धिरेन्द्र यादव बिस्पत, वडाध्यक्ष राकेश राम लगायतका कर्मचारी तथा जनप्रतिनिधिहरुले अनुगमन, निरीक्षण गरेका छन् ।

पर्सा गाउँपालिका कार्यालयले विद्यालयको सुरक्षा, पढाईको गुणस्तर सुधार, समुदायको सुरक्षा, चोरी नियन्त्रण, दुर्घटना जस्ता अमानविय कार्य नियन्त्रण गर्ने उद्देश्य सिसी क्यामेरा जडान गरेका छन् ।