बिहिवार बसबरीया गाउँपालिका-४ धनगढास्थित रहेको श्री नव जन ज्योति अंग्रेजी विद्यालयले कक्षा नर्सरीदेखि कक्षा सातसम्मका बिद्यार्थीको २०७९ सालको परीक्षाफल प्रकाशन संगै बसबरीया गाउँपालिकाका नवनिर्वाचित जनप्रतिनिधि र उक्त बिधालयमा कक्षा नर्सरीदेखि कक्षा सातसम्म पढेर २०७८ सालको एसइइको परिक्षामा विभिन्न बिधालयबाट उतिर्ण भएका बिद्यार्थीलाई सम्मान गरेको हो ।

कार्यक्रममा २०७९ सालको वार्षिक परिक्षामा पहिलो,दोस्रो र तेस्रो भएका कक्षा नर्सरीदेखि कक्षा सातसम्मका बिद्यार्थी र उक्त बिधालयमा चैत २३ र २४ गते भएको विभिन्न खेलमा पहिलो,दोस्रो र तेस्रो भएका बिद्यार्थीलाई पुरस्कृत गरिएको हो ।

बसबरीया गाउँपालिकाका अध्यक्ष रामसिंहासन रायको प्रमुख अतिथ्यतामा सम्पन्न भएको कार्यक्रममा बसबरीया गाउँपालिकाकी उपाध्यक्ष सरिता कुमारी साह, शिक्षा शाखा प्रमुख रामअश्रे ठाकुर, विभिन्न वडाका वडा अध्यक्ष, शिक्षक, बिद्यार्थी, अभिभावक लगायतको उपस्थिति रहेको थियो ।