गाैशाला : महोत्तरीमा सवारी दुर्घटना हुँदा श्रीमान श्रीमती सहित भतिजीकाे मृत्यु भएको छ । बुधबार (आज) मोटरसाइकल र बस ठोक्किँदा श्रीमान श्रीमती सहित भतिजीकाे मृत्यु भएको हाे ।

सम्सीबाट बर्दिवासतर्फ जाँदै गरेको बा ३ ख २३९६ नम्बरको यात्रुवाहक बस र माईस्थान चाैकबाट गौशालातर्फ आउँदै गरेका ०१-००४ प ६८१९ नम्बरको मोटरसाइकल ठोक्किँदा दुर्घटना भएको जिल्ला प्रहरीले कार्यालय महाेत्तरीका प्रवक्ता डीएसपी दिलिप कुमार गिरिले जनाएको छ ।

मृत्यु हुनेमा मोटरसाइकल चालक सिराहा कल्याणपुरका २६ वर्षीय अमृत मण्डल, उनकी श्रीमति २४ वर्षीया अन्जु मण्डल र भतिजी ६ वर्षीया अन्सु मण्डल रहेकाे प्रवक्ता डीएसपी गिरिले जानकारी दिए । घटनाबारे थप अनुसन्धान भइरहेको प्रवक्ता गिरिले बताए ।