झापा, असार १२ गते । 
झापाको शिवसताक्षी नगरपालिकामा ट्रकले कारलाई ठक्कर दिँदा बाबुछाेरीकाे मृत्यु भएको छ ।

मंगलबार बिहान पूर्वबाट पश्चिमतर्फ गइरहेको मालबाहक ट्रकले विपरीत दिशाबाट आएको कारलाई ठक्कर दिँदा कारमा सवार उनीहरूको मृत्यु भएको हो ।

मृत्यु हुनेमा मोरङ उर्लाबारीका ४५ वर्षीय गुरुचन चौधरी र उनकी १८ बर्षिय छोरी कुमकुम चौधरीको रहेको जिल्ला ट्राफिक प्रहरी कार्यालय झापाले जनाएको छ।

दुर्घटनाबाट गम्भीर घाइते भएका बाबु-छोरीलाई उपचारका लागि बिर्तामोडमा रहेको बिएण्डसी अस्पताल लगिएको थियो । उनीहरूको उपचारका क्रममा मृत्यु भएको ट्राफिक प्रहरीले जनाएको छ ।

दुर्घटनामा घाइते भएका अन्य ६ जनाको उपचार भइरहेको जिल्ला ट्राफिक प्रहरी कार्यालय, झापाका प्रहरी सहायक निरीक्षक यामकुमार खड्काले जानकारी दिए ।