सुनसरीको इटहरीमा मोटरसाइकल दुर्घटना हुँदा तीन जनाको मृत्यु भएको छ । मृत्‍यु हुनेहरुमा इटहरी १६ बस्ने अन्दाजी २६ वर्षीय करण चौधरी, सोही स्थानका २७ वर्षीय शम्भु चौधरी र २४ वर्षीय अनिनेश चौधरी रहेका छन । 

शुक्रबार राति १०:४० बजे इटहरी नगरपालिका वडा नम्बर १७ कान्छी चोकमा चार जना चढेको मोटरसाइकल विपरीत दिशाबाट आउँदै गरेको भारतीय नम्बर डब्लु बी ७३ इ ९११७ नम्बरको पिकअप भ्यानसँग ठोक्किएको थियो ।

दुर्घटनाबाट २७ वर्षीय प्रेमलाल चौधरी गम्भीर घाइते भएका थिए । घटना बारे थप अनुसन्धान भइ रहेको जिल्ला प्रहरी कार्यालय सुनसरीले जनाएको छ ।