बाँके : बाँकेमा २१ लाख रुपैयाँ बराबरको रिचार्ज कार्ड बरामद भएको छ । राप्तीसोनारी गाउँपालिका– १ कुसुम बजारबाट सशस्त्र प्रहरीले २१ लाख रुपैयाँ बराबरको रिचार्ज कार्ड बरामद गरेको हाे ।

नेपालगंजबाट तुल्सीपुरतर्फ जाँदै गरेको यात्रुवाहक बसमा जाँच गर्दा शंकास्पद रुपमा भेटिएका नेपाल टेलिकम र एनसेल का रिचार्ज कार्ड बरामद गरिएको हो ।

सुरक्षा वेश कुसुमले बरामद गरेका रिचार्ज कार्ड राजश्व अनुसन्धान कार्यालय कोहलपुरमा बुझाएको छ । यस विषयमा प्रहरीले थप अनुसन्धान गरिरहेको छ ।