बरहथवा : काठमाडौँस्थित भारतीय राजदूतावासले सर्लाहीको बरहथवा नगरपालिका-५ मा रहेको एजुकेसन होम स्कुललाई उपहारस्वरुप प्रदान गरेको स्कुल बसको उद्घाटन गरिएको छ ।

शुक्रबार एजुकेसन होस स्कुलले आयोजना गरेको एक कार्यक्रम बिच युवा नेता दिपक महतोले उक्त स्कुल बसको उद्घाटन गरेका हुन् ।

कार्यक्रममा बोल्दै उक्त बिधालयका प्रधानाध्यापक शिवलाल महतोले युवा नेता दिपक महतोको अथक प्रयासले गर्दा बिधालयले बस प्राप्त गर्न सफल भएको बताए ।

कार्यक्रममा इलाका प्रहरी कार्यालय बरहथवाका डिएसपी लिलाराज लामिछाने, बरहथवा नगरपालिकाका शिक्षा शाखा अधिकृत अनिल कुमार साह, विभिन्न निजी तथा सरकारी बिधालयका प्रधानाध्यापक/शिक्षक, विभिन्न दलका नेतालगायतको अतिथ्यता रहेको थियो ।