
नारायणगढ : चितवनको नारायणी पुलबाट हामफालेर मंगलबार राती एक पुरुष बेपत्ता भएका छन् । प्रत्यक्षदर्शी एक महिलाले राती ८ः२० बजेको समयमा एक पुरुषले पुलबाट हामफालेको भनि प्रहरीलाई खबर गरेकी थिइन् ।
पहिचान नखुलेको सेतो कपडा लगाएको अन्दाजी २५/२६ वर्षको युवकले पुलबाट हामफालेको महिलाको भनाइ उद्रित गर्दै प्रहरीले जनाएको छ । पुलमा सिसि क्यामरा नहुँदा हाम फाले नफालेको यकिन गर्न पनि समस्या भएको प्रहरीले जनाएको छ ।