हेटौंडा, कात्तिक ७ गते ।

पूर्व–पश्चिम राजमार्गअन्तर्गत मकवानपुरको मनहरी गाउँपालिका–७, निर्मलबस्तीमा ट्रकको ठक्करबाट एक पैदलयात्रीको मृत्यु भएको छ ।

चितवनबाट हेटौंडा आउँदै गरेको ना ८ ख १२५६ नम्बरको ट्रकले स्थानीय ८४ वर्षीया ईन्द्रकुमारी स्याङतानलाई ठक्कर दिँदा गम्भीर घाइते भएकी थिइन् ।

घाइते स्याङतानको उपचारका क्रममा हेटौंडा अस्पतालमा मृत्यु भएको जिल्ला प्रहरी कार्यालय मकवानपुरका प्रवक्ता एवं प्रहरी नायव उपरीक्षक पुष्कर बोगटीले जानकारी दिए ।

प्रहरीका अनुसार ट्रक चालक धनुषा जिल्ला मिथिला नगरपालिका–६ का २५ वर्षीय सञ्जितकुमार महतोलाई नियन्त्रणमा लिइ थप अनुसन्धान अघि बढाइएको छ ।