गाैशाला, माघ ६ गते ।
महोत्तरी निर्वाचन क्षेत्र नम्बर १ बाट जनमत पार्टीका तर्फबाट बिरेन्द्र महतोले प्रतिनिधिसभा सदस्यका लागि उम्मेदवारी दर्ता गराएका छन् । उनले सम्बन्धित निर्वाचन कार्यालयमा पुगेर औपचारिक रूपमा मनोनयन पत्र दर्ता गराएका हुन् ।

मधेस केन्द्रित तथा वैकल्पिक राजनीतिक धार बोकेको जनमत पार्टीबाट उम्मेदवार बनेका महतोको उम्मेदवारीलाई यस क्षेत्रमा बढ्दो राजनीतिक प्रतिस्पर्धाको संकेतका रूपमा हेरिएको छ । पार्टीले उठाउँदै आएको मधेसका अधिकार, सुशासन र जनउत्तरदायी राजनीतिका एजेन्डालाई उनले निर्वाचनमार्फत अघि बढाउने प्रतिबद्धता जनाएका छन् ।

उनको उम्मेदवारीसँगै महोत्तरी–१ को चुनावी माहोल थप सक्रिय बन्दै गएको छ ।