गाैशाला, बैशाख १९ गते ।
महोत्तरीमा शस्त्र प्रहरी बल नेपालले सीमावर्ती क्षेत्रमा अवैध रूपमा भारततर्फ निकासी गर्न लागिएको ठूलो परिमाणको चाइनिज स्याउ बरामद गरेको छ ।

शनिबार राति विशेष सूचनाका आधारमा परिचालित प्रहरी टोलीले शंकास्पद अवस्थामा गुडिरहेका तीन वटा पिकअप गाडी नियन्त्रणमा लिएर जाँच गर्दा उक्त स्याउ फेला परेको हो ।

प्रारम्भिक अनुसन्धानअनुसार भन्सार प्रक्रिया छल्दै स्याउ भारततर्फ लैजान खोजिएको खुलेको प्रहरीले जनाएको छ । बरामद स्याउको परिमाण हजारौं किलो रहेको र यसको बजार मूल्य लाखौं रुपैयाँ बराबर हुन सक्ने अनुमान गरिएको छ ।

घटनामा प्रयोग गरिएका सवारीसाधन नियन्त्रणमा लिइएको छ भने चालक तथा सम्बन्धित व्यक्तिमाथि थप सोधपुछ भइरहेको छ । प्रहरीका अनुसार अवैध कारोबारमा संलग्न अन्य व्यक्तिको पहिचान तथा नेटवर्कबारे अनुसन्धान जारी रहेको छ ।

सीमा क्षेत्रमा हुने तस्करी नियन्त्रणका लागि सुरक्षा निगरानी थप प्रभावकारी बनाइएको सशस्त्र प्रहरीले जनाएको छ ।